O Centro de Supercomputación de Galicia (Cesga) está involucrado na actualidade en dezaoito redes grid: seis na comunidade galega, outras tantas a escala estatal e seis máis internacionais. Segundo explicou o director do centro, Xavier García Tobío, nunha destas últimas, a rede europea EGEE2, participan "investigadores de todo o mundo ó redor dun proxecto para probar un novo fármaco contra a malaria, e xa pediron capacidade de cálculo para xuño ou xullo".